Ətrafında aparılmış tədbirlərlə onun müxtəlif vaxtlarda daha 11 nəfərə qarşı dələduzluq etməsi və 3 evin həyətindən su mühərrikləri oğurlaması da müəyyən edilmişdir.

Nizami RPİ-nin 23-cü Polis Bölməsinə noyabrın 16-da rayon ərazisindən Bakı şəhər sakini A.Həsənova məxsus “KİA” markalı avtomobilin qaçırılması barədə məlumat daxil olmuşdur.

Polis əməkdaşlarının keçirdikləri əməliyyat-axtarış tədbirləri nəticəsində avtomobil həmin gün yol kənarında dayanmış 2 avtomobilə dəymiş vəziyyətdə tapılmışdır.

Noyabrın 16-da polis əməkdaşları tərəfindən respublika ərazisində 4 nəfər aktiv koronavirus xəstəsi ictimai yerlərdə aşkar edilərək saxlanılıb. Polis əməkdaşları “COVİD-19” virusuna yoluxaraq ev şəraitində müalicədə olmasına baxmayaraq yaşadığı evləri tərk etmiş həmin şəxslərlə izahedici söhbətlər aparıb, tibbi prosedurları gözləməklə yaşadıqları evlərə qaytarıb və bu barədə müvafiq səhiyyə qurumları məlumatlandırılıb. 

Noyabrın 16-da saat 12 radələrində Şəmkir rayonunun Qasımalılar kəndi ərazisində Gədəbəy rayon sakinləri E.Zeynalovun idarə etdiyi “Mercedes”, S.Allahverdiyevin idarə etdiyi “VAZ-2106” və Bayram Gözəlovun idarə etdiyi “VAZ-21074” markalı avtomobillər toqquşmuşdur. Nəticədə B.Gözəlov, arvadı Gəncalə və sərnişinlərindən Aliyə Əliyeva hadisə yerində ölmüş, digər 3 sərnişini, habelə E.Zeynalov xəstəxanaya yerləşdirilmişlər.
Şəmkir RPŞ tərəfindən araşdırma aparılır.

Noyabrın 16-da saat 7 radələrində paytaxtın Nizami rayonu ərazisində Bakı şəhər sakini S.Ələsgərov idarə etdiyi “Hyundai” markalı avtomobillə yolu keçən Cəlilabad rayon sakini Hüseynəli Zeynalovu vurmuşdur. Nəticədə piyada aldığı xəsarətlərdən hadisə yerində ölmüşdür.
Nizami RPİ tərəfindən araşdırma aparılır.

Sabunçu RPİ əməkdaşlarının daxil olmuş məlumat əsasında keçirdikləri əməliyyat-axtarış tədbiri nəticəsində Ramana qəsəbə sakini Ə.Həbibovun evinə baxış zamanı “TOZ-8” markalı tüfəng və 23 ədəd patron aşkar edilərək götürülmüşdür.